Ердоган има предност, но резултатите од трите најголеми градови може да направат промена во исходот

Резултатите од трите најголеми градови во Турција – Истанбул, Анкара и Измир може да го променат резултатот на изборите. Досега од обработени околу 60% од гласовите, Реџеп Тајип Ердоган е во водство, но гласовите од големите градови се уште не се целосно избројани.

Истанбул има население од 16 милиони жители, додека пак Анкара, заедно со Измир имаат 10 милиони, а во сите три градови само една половина од гласовите се пребројани. Во Измир и Истанбул барем засега води Кемал Киличдароглу, додека пак тесно водство во Анкара има Ердоган.

Инаку, Измир важи за еден од бастионите на опозициската партија, а градоначалникот на Анкара рече дека опозицискиот кандидат ќе победи кога ќе пристигнат гласовите од големите градови.

Според информациите од преработените 60% од гласовите, Ердоган има 50,76% додека пак Киличдароглу 43.43%. Оган има 5,31% додека пак Инче кој вчера се повлече има 0,5% од гласовите.