АНКАРА (АА) – Турскиот претседател Реџеп Таип Ердоган рече дека геноцидот во Газа се случува пред очите на сите, и дека го зазеде местото меѓу „историските срамови на човештвото“, јавува Анадолу.
Ердоган одговараше на новинарски прашања во авионот на враќањето од дводневната мини-балканска турнеја во главниот град на Албанија, Тирана, и главниот град на Србија, Белград.
Тој нагласи дека агресивноста на Израел не може да се игнорира, и порача: „Ги следиме нивните акции и потенцијални чекори кон Туркије со нашата разузнавачка агенција.“
Турскиот претседател нагласи дека Израел не само што ја таргетира стабилноста на Палестина и Либан, туку се обидува да ги прошири немирите и во околниот регион.
„Соништата на Нетанјаху и неговата банда ќе се претворат во кошмар“, порача Ердоган, додавајќи: „Палестина ќе биде слободна, Либан ќе остане слободен.“
Тој предупреди дека Израел е најдиректната закана за регионалниот и глобалниот мир и упати апел дека „оние кои имаат задача да го заштитат светскиот мир мора да стават крај на оваа закана.“
„Оние кои стојат покрај ционистичката терористичка организација наречена Израел“ ќе ја носат трагата на овој срам (геноцидот во Газа) со генерации, нагласи турскиот претседател.
Извор: Anadolu Agency (AA)
