Женската јуниорска репрезентација на Македонија не успеа со уште една победа, да се прости од натпреварите на Европското првенство од Дивизијата „Б“ кое денеска завршува во Литванија.
Подобра од нашата, беше селекцијата на БиХ, за која останува 17. место во финалниот поредок, а со овој пораз, јуниорската репрезентација на Македонија го заврши шампионатот на 18.позиција.
Кошаркарките на БиХ имаа извонредна прва четвртина, Стартуваа скоро непогрешливо, особено зад линијата од 6.75 метри. Постигнаа дури шест тројки (од десет обиди) кошаркарите на БиХ, што и тоа како „се одрази“ на резултатот.
По десет минути игра, се стекнаа со големи (32:14), што им овозможи многу послободна игра во продолжението на натпреварот, последен за двете репрезентации на турнирот во Литванија. Во вториот период, Босанките делуваа сигурно, особено во нападот, и ја зголемија и онака високата позитива.
По две одиграни четвртини, БиХ водеше со убедливи, двојно поголеми, (53:26).
За разлика од првото, почнавме многу подобро во второто полувреме. Третата четвртина Македонија ја отвори со серија од седум поени, за да анулираме дел од високата негатива која ја имавме на полувремето.
Но и тоа беше со „краток рок“, затоа што противникот „одговори“ со своја контра-серија од 12.поени, и да дојде до недостижни (65:35), иако се играше 27.минута од натпреварот.
Но не се откажааа напите девојки, сакаа и покажааа дека можат многу подобро, го презентираа тоа во последната четвртина. Ја добија во своја корист со (28-9), за чесно простување од евро-шампионатот.
Уште еднаш Ива Колева го покажа сиот свој потенцијал, застана нашата најмлада кошаркарка на скор од 20.поени. Имаше и седум скока и исто толку асистенции. Ја следеа Теа Трајковска, која на 19. поени додаде и осум скока, Ања Начевска финишираше со дабл-дабл ефект од 16.поени и 17.скока. Пислевска и Џангаровска додадоа по шест, но општ впечаток е дека недостасуваше ефектот на уште некоја кошаркарка во нашата женска јуниорска селекција за подобар резултат на ова првенство.
Извор: kurir.mk
