Пари Сен Жермен нема право да се опушти против тим кој нема што да изгуби, изјави тренерот на францускиот тим, Луис Енрике, по победата од 1-0 против Арсенал во првиот натпревар од полуфиналето на Лигата на шампионите.
„Сакам да нагласам дека стигнавме до тука благодарение на работата што ја завршија овие 14 или 15 момци досега. Некои покажаа повеќе, други помалку, а ни требаше и херој на голот. Сепак, секој од нив даде апсолутно сè што можеше“, рече тренерот на парижаните.
„Вложивме многу и како поединци и како тим. Напаѓачите бранеа со другите, играчите од средниот ред се придружија во нападот, сите играа како тим. Против Арсенал не можете да успеете на друг начин“, продолжи стручњакот.
Пари Сен Жермен загуби со 2-0 од Арсенал во прелиминарната рунда на Лигата на шампионите во октомври, но оттогаш Парижаните изгледаат како сосема поинаков тим. Францускиот шампио ги елиминираше Брест, Ливерпул на пенали и Астон Вила и се пласираше во полуфиналето на најпрестижниот клупски турнир.
„Вечерва си ја завршивме работата, но сепак сме далеку од она што го сакавме. Мора да го добиеме вториот натпревар, немаме право да се опуштиме. Имаме шанса да ја препишеме историјата и да започнеме одново утре. Арсенал нема што да изгуби и вториот натпревар ќе биде тежок“, додаде Енрике.
Извор: kurir.mk
