Со полициска асистенција ќе се носат сведоците на следните рочипта во судските процеси за незаконското назначување директори во струшките училишта од страна на градоначалникот Рамиз Мерко откако денеска ниту еден од повиканите не се појави во судницата, па рочиштата за училиштата во Подгорци, Лабуништа и Радолишта експресно се одложија. Навеле причини за отсуството кои за судот се неоправдани , имале куќна слава или им почнала градежната сезона рече судијата.
На судењето за училиштето” Браќа Миладиновци” од Струга Мерко истакна дека не се чуствува виновен, а директорката Албана Жута пак тврдеше дека била именувана од страна на Министерството за образование на таа функција иако според записникот на државниот просветен инспекторат била поставена спротивно на законот ,не била од редот на вработените како што налага законот, ниту имала положен испит за директор, ниту сертификат за познавање на англиски јазик.
Судската постапка за училиштето во Велешта каде има повеќе обвинети кои се товарат за „Несовесно работење во службата“, а дел од нив се гонат и за кривичното дело „Фалсификување исправи“, се одложи поради здравствени причини на бранителот на обвинетата Егзона Шеи, која се сомничи дека ја фалсификувала дипломата.
Против Мерко досега се поднесени вкупно девет обвиненија а во секоја му се заканува затворска казна.
Извор: 24vesti.mk
