Градоначалникот на Киев, Виталиј Кличко пишува дека од експлозиите има повредени лица кои се хоспитализирани
Експлозии се регистрирани утрово во главниот град на Украина, Киев, изјави градоначалникот Виталиј Кличко.
„Експлозии во Киев. Противвоздушната одбрана е во функција. Останете во засолништа“,
објави Кличко на Телеграм.
Кличко пишува дека од експлозиите има повредни лица кои се хоспитализирани.
„Од експлозијата е оштетена зградата на метро станицата ‘Лукјанивска’ која служи како засолниште. Возовите поминуваат покрај неа без застанување“,
додава Кличко.
Системот за известување е издаден веднаш по 5 часот, откако руски проектили погодиле цели во неколку други градови.
Како што пишуваат на Телеграм градоначалниците на Харков и Лавов, од руски напади погодени се североисточниот украински град Харков и Лавов на западниот дел на земјата.
Градоначалникот на Харков пријавил „масовен ракетен напад“ врз градот, додека неговиот колега во Лавов пријавил два напада.
Засега нема информации за жртви.
Исто така, има извештаи за напади на руски беспилотни летала во пристанишниот град Одеса.
Регионалната воена администрација на Харков соопшти дека Русија „извршила околу 10 напади врз градот“.
Извор: 360stepeni.mk
