Поранешниот началник во МВР, Љубомир Ѓурчевски, оценува дека нè чека екстремна и тешка политичка предизборна кампања, бидејќи според него, веќе се забележува дека политичките противници не штедат ниту најтешки навреди меѓу себе за да ја оцрнат фигурата на нивниот политички противник. Ѓурчевски дури не ја исклучува можноста и на овие избори да се повторат скандалите од неколку претходни години со полнење на гласачки кутии.
Во една ваква ситуација Ѓурчевски стравува дека институциите нема да преземат мерки за спречување на предизборни инциденти поради, како што вели, партиските вработувања во полицијата.
Ѓурчевски ги повикува сите вработени во државните институции професионално да ги извршуваат своите работни задачи во изборниот процес и да не бидат под влијание на политичките партии. Првиот круг од претседателските избори ќе се одржи на 24 април, а вториот заедно со парламентарните избори, на 8 мај./Алсат.мк
Авни Тахири
Извор: alsat.mk
