Екипите се на терен: Се уредува зонско паркиралиште во Аеродром

Екипи од ЈП „Градски Паркинг“ и ЈП „Паркови и зеленило“ денеска се на терен и уредуваат зонско паркиралиште.

– Денес вработени од ЈП „Градски паркинг“ – Скопје, во соработка со екипа од ЈП „Паркови и зеленило“, се на терен со цел уредување на паркиралиштето на зона Д3 во Аеродром. Се кастрат и отстрануваат дотраените и стари гранки од дрвјата, а воедно паркиралиштето се чисти од смет, инфомираат од претпријатието.

ЈП „Градски паркинг“ – Скопје, продолжува со редовните активности, со цел пристапни и чисти паркиралишта за граѓаните.