31-годишен маж кој беше повреден во огнената размена им подлегна на повредите во Ургентиот центар.
„Во врска со пукањето на Бит Пазар, ве известуваме дека повредениот А.С. (31) им подлегнал на повредите“, информираа од МВР.
Вооружената престрелка се случила околу 14 часот на раскрсница на улицата Војдан Чернодрински. Дел од куршумите завршиле и во околните објекти. Од МВР соопштија дека станува збор за престрелка меѓу две групи од по пет до шест лица.
На местото најдени се повеќе чаури, а оштетени се неколку изложни стакла од продажни објекти и околните продавници и неколку паркирани возила. Се преземаат мерки за расчистување на случајот. Екипи на полицијата го обезбедуваа местото, а улицата беше затворена за сообраќај.
Извор: 24vesti.mk
