Едно лице загина и 9 се повредени во експлозија во трговски центар во руската област Северна Осетија-Аланија

МОСКВА (АА) – Во експлозија во трговски центар во Владикавказ, Русија, загина едно лице, а девет се повредени, соопшти денес Министерството за вонредни ситуации, јавува Анадолу.

Експлозијата се случила на горниот кат на Трговскиот центар „Аланија“ во Владикавказ, административниот центар на Северна Осетија-Аланија во северниот дел на Кавказ, се вели во соопштението на Министерството.

Понатаму, се вели дека во моментот на експлозијата немало посетители, а сите жртви биле меѓу вработените и случајните минувачи.

Трговскиот центар се запали по експлозијата, но тој беше брзо изгаснат, се вели во соопштението.

Властите соопштија дека најверојатно станува збор за експлозија на гас. Регионалниот гувернер Сергеј Мењало изјави дека спасувачите ги пребаруваат просториите за потенцијални жртви.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.