Од силината на судирот двете возила, камион и автомобил, се запалиле, а во пожарот животот го загубил возачот на автомобилот. Возачот на камионот со возило на Итна медицинска помош бил пренесен во болницата во Суботица
Едно лице загина во тешката сообраќајна несреќа што се случила на патот Суботица-Бајмок, Република Србија, јави РТС.
Несреќата се случила вчера попладнето околу 16 часот и 50 минути кога директно се судриле камион со загрепски регистарски таблички и автомобил со сомборски регистрации.
Од силината на судирот двете возила се запалиле, а во пожарот животот го загубил возачот на патничкиот автомобил. Возачот на камионот со возило на Итна медицинска помош бил пренесен во болницата во Суботица.
Како што потврдија за РТС од таа здравствена установа, на возачот на камионот му била укажана лекарска помош и има полесни повреди.
Сообраќајот на патниот правец Суботица-Бајмок беше во прекин, а возилата се пренасочуваат по алтернативни правци.
Извор: 360stepeni.mk
