Двајцата кандидати во вториот круг од претседателските избори во Романија, крајниот десничар Џорџе Симион и независниот кандидат, градоначалникот на Букурешт Никушор Дан, гласаа на изборите.
Симион дојде на избирачкото место заедно со крајниот десничар Калин Џорџеску, кој победи во првиот круг од претседателските избори во ноември, а кој беше поништен од Уставниот суд на Романија поради наводно руско мешање во изборниот процес, што Москва го негираше.
Симион и Џорџеску сакаа да дадат изјави на избирачкото место, но полицаец ги замоли да си заминат, пренесе порталот Digi24.
– Гласавме за нашата иднина да ја одлучуваат само Романци, за Романци и за Романија“, изјави Симион по гласањето, наведувајќи дека гласал „против неправдите направени на романскиот народ“ … „против злоупотребата и сиромаштијата“.
Во денешниот втор круг од претседателските избори во Романија до 13:00 часот по локално време гласале 31,93 проценти од гласачите, соопшти изборната комисија
Извор: kurir.mk
