Двајца вработени во израелската амбасада застрелани во центарот на Вашингтон

May 22, 2025
1 min read

Двајца вработени во израелската амбасада во Вашингтон, маж и жена, се убиени  пред Еврејскиот музеј. Осомничениот 30 годишниот Елиас Родригез од Чикаго призна дека убил израелски дипломати, тврдејќи дека го направил тоа „за Газа“.

Нападот се случил додека двајцата дипломати си заминувале од настан во музејот, а напаѓачот пукал во нив од блиску. Мажот починал на самото место, додека жената, откако била однесена во болница во критична состојба, починала од повредите. Жртви на нападот се Јарон Лизински, 28-годишен вработен во политичкиот оддел на израелската амбасада во САД и Сара Милграм.

Откако го извршил нападот, осомничениот се обидел да влезе во зградата на музејот, преправајќи се дека е сведок на пукањето. Побарал помош од обезбедувањето на музејот пред да одлучи да и се предаде на полицијата. Убиецот наводно чекал полицијата да пристигне  пред да ја преземе одговорноста за нападот, велејќи дека го сторил тоа во знак на протест против израелската политика. Според полицијата осомничениот го признал нападот по апсењето. 

„За време на испрашувањето рекол дека пукал „за Палестина“. Го извршил делото како протест против израелската политика. Осомничениот немал претходна историја на проблеми или контакт со полицијата.“ – Памела Смит шеф на полицијата во Вашингтон.

Јарон и Сара беа наши пријатели и колеги. Тие беа во својот најдобар период. Целиот персонал на амбасадата е скршен и потресен од нивното убиство. Нема зборови со кои може да се опише длабочината на нашата тага и ужас поради оваа ужасна загуба, соопшти израелската амбасада во Вашингтон. Израелскиот амбасадор во САД изјави дека младиот човек кој беше убиен „купил прстен со намера да ѝ предложи брак на својата девојка во Ерусалим следната недела“. Американскиот претседател Доналд Трамп го осуди пукањето, нарекувајќи го ужасно. 

„Овие ужасни убиства што се случија во Вашингтон, јасно засновани на антисемитизам, мора да престанат, СЕГА!.  Омразата и радикализмот немаат место во САД. Сочувство до семејствата на жртвите. Жално е што вакви работи се случуваат! Бог да ве благослови сите!“ – Доналд Трамп претседател на САД. 

Израелскиот премиер Бенјамин Нетанјаху, рече дека е шокиран од убиствата.

„Срцето ме боли за семејствата на младиот маж и младата жена чии животи беа прекинати од ова гнасно антисемитско убиство. Наредив зголемени безбедносни мерки во израелските мисии низ целиот свет, како и за владини претставници.“ – Бенјамин Нетанјаху премиер на Израел.

Убиството во Вашингтон се случува во време на интензивни израелски напади во Појасот Газа во кои има стотина загинати, и во време на меѓународна осуда за спората дозвола од Израел да дозволи пристап на хуманитарна помош.

Извор: 24vesti.mk

MARKETING

MARKETING

Претходно

Ревизорски извештај за хематологија: Лековите за ретки болести не биле евидентирани во сметководствената евиденција

Следно

Професор Марковски: Во Македонија доаѓа време на реконструкција на старите дотраени мостови

Latest from Blog

Отфрлена жалбата на Реал Мадрид против строгата казна на Рудигер

Апелациониот комитет на Шпанската фудбалска федерација (РФЕФ) ја отфрли жалбата на Реал Мадрид против високата суспензија од шест натпревари што му беше изречена на Антонио Рудигер. На крајот од финалето на Кралскиот

Израелските воени авиони извршија серија воздушни напади во јужен Либан

СКОПЈЕ (АА) – Израелските воени авиони денес извршија серија воздушни напади врз повеќе локации во јужен Либан. Според либанските медиуми, едно лице е убиено, а друго повредено во нападите, што претставуваат најново

Во земјава два случаи на мајмунски сипаници!

Денес во ЈЗУ Институт за јавно здравје беа упатени од клиниката за кожни болести два пациенти суспектни за Monkeypox – Мајмунски сипаници и воедно беше упатно назначено да се направи испитување и

Во Градско се одржаа 58. Регионални спортски пензионерски игри од југот

 Во организација на Здружението на пензионери од Велес со поддршка од останатите здруженија од повеќе градови од југот и Сојузот на пензионери, денеска во Градско се одржаа 58. Регионални спортски пензионерски игри
Go toTop