Кривична пријава против К.М. поради постоење основи на сомнение за сторено кривично дело „примање поткуп“ по член 357 и против Г.Б. поради постоење основи на сомнение за сторено кривично дело „помагање на сторител по извршување кривично дело“ по член 365 од Кривичниот законик, поднесе денеска Одделот за внатрешна контрола, криминалистички истраги и професионални стандарди при МВР.
-Првопријавениот К.М., полициски службеник во Полициската станица за граничен премин „Ќафасан“, на 04.01.2023 од тројца државјани на Република Албанија примил пари за да не изврши службено дејствие. Додека, второпријавениот Г.Б., полициски службеник во истата полициска станица, дејствијата извршени од првопријавениот ги сокрил, односно му помогнал да не биде откриен, се наведува со соопштението на МВР.
За двајцата полициски службеници ќе биде поднесен и предлог за поведување постапка за кршење на работниот ред и дисциплина и ќе се изрече задолжителна мерка отстранување од работното место до завршување на дисциплинската постапка.
Извор: skopskoeho.mk
