Комплетно е завршен процесот за затворање на два институти, најверојатно уште три ќе бидат затворени, изјави денеска министерката за образование и наука Весна Јаневска во Штип.
За поранешниот просветен инспектор, Ѓорѓи Илиевски – погрешна е инспекциската контрола на универзитетите од страна на Државниот просветен инспекторат. Има универзитети без професори а добиле акредитации, инспекцијата треба да биде насочена кон одборот за акредитација која акредитирала на сомнителен начин, тврди за ТВ 24, Ѓорѓи Илиевски.
Не функционира ни одборот за евалуација кој треба да врши вреднување на факултетите дали ги исполнуваат условите и критериумите за наставно-научни звања за да може да се одземат акредитациите, политиката е длабоко навлезена, па наместо експерти, има партиски луѓе кои даваат акредитации на факултети блиски до одредени партии вели Илиевски.
Извор: 24vesti.mk
