Според првичните информации, засега нема повредени во инцидентот.
Пукањето се случило кратко по завршувањето на вонредната седница на градскиот совет во Ново Место, на која присуствувале и претставници на словенечката влада. На седницата биле презентирани нови мерки за борба против криминалот, вклучувајќи го и таканаречениот Шутарјев закон, како одговор на бруталниот напад што се случи минатиот викенд, пренесе Вечерњи.
По седницата, голема група демонстранти се собрала на плоштадот пред зградата на општината, а кратко потоа се слушнале истрели во населбите Жабјак и Шмихел. Според неофицијални информации, припадници на специјална полициска единица веднаш биле испратени на местото на настанот, а истрагата е во тек.
Градоначалникот на Ново Место, Грегор Македони, потврдил дека, според достапните информации, станува збор за рафален оган на отворен простор.
„За жал, ова е една од честите појави во нашиот град. Се надевам дека полицијата ќе може да спречи поседување оружје. Во последните денови неколку пати предупредив дека имаме премногу оружје, кое треба да се отстрани од дофат на деца и нестабилни лица“, рече Македони.
За потсетување, нападот врз маж (48) се случил за време на викендот, околу 2:30 часот наутро, пред бар во Ново Место, каде што дошол да го земе својот син, кој наводно му се јавил бидејќи му се заканувала група млади мажи.
Според првичните информации, мажот бил претепан од група луѓе, но полицијата објави дека уапсила млад маж (21) за кој постои сомневање дека учествувал во тепачката.
Извор: vecer.mk
