Христо Грозев, еден од главните ликови, во документарниот филм за труењето на рускиот опозиционер Алексеј Навални нема да може да присуствува на утрешното доделување на најпрестижните британски филмски награди.
Иако филмот во кој и тој се појавува е номиниран за Бафта-награда, Христо Грозев нема да може да присуствува на церемонијата зашто организаторите процениле дека претставува безбедносен ризик. Се претпоставува дека тоа е поради фактот што Грозев ја водеше истрагата на „Белингкат“ – група на истражувачки новинари, која покажа дека Кремљ стоел зад труењето на опозицискиот лидер, Алексеј Навални, со нервниот гас „новичок“.
Но, на доделувањето на Бафта, на кое му е забранет влез на Грозев, ќе присуствуваат продуцентите на истиот филм.
„Моменти како овој ја покажуваат растечката опасност за независните новинари низ целиот свет“,
напиша Грозев на Твитер.
Тој и неговото семејство имале билети, но поканата за присуство била повлечена поради сугестии на британската полиција. Грозев самиот потврди дека во изминатите недели добил бројни предупредувања од разни европски безбедносни агенции кои имаат кредибилни докази дека неговиот живот е загрозен.
Навални, по инцидентот со труењето, пак се врати во Русија каде властите веднаш го осудија на неколкугодишна затворска казна зашто „организирал есктремистичка група“.
Извор: 360stepeni.mk
