Доктор Чибишев: Аферата Онкологија му нанесе смртоносен удар на здравството, последиците сè уште се чувствуваат

January 28, 2025
1 min read

Скандалите од Клиниката за онкологија сè уште ја потресуваат македонската јавност. Пациентите биле жртва на негрижа од страна на минатата власт, а аферите кои беа обелоденети сега се користат за некакво оправдување за избегнување на одговорност. Пациентите, нивните семејства, вработените ја знаат вистината, а официјалните извештаи постојат и сведочат за реалната, застрашувачка слика.

КУРИР стапи во контакт со проф. д-р Андон Чибишев, кој беше прво стручно лице кое веднаш по обелоденување на аферата излезе со анализа во јавноста.

-Мојот коментар ќе го започнам со мои зборови кои ги кажав само 10 дена после обелоденувањето на аферата „Онкологија“ во емисија кај почитуваниот Љупчо Цветановски: „Аферата Онкологија е најгрозоморната и најтраорна афера во историјата на македонското здравство“. Аферата му нанесе смртоносен удар на здравството од кој и денес после скоро една ипол година последиците сè уште се чувствуваат. Довербата во јавното здравство која и онака беше на најниско ниво дополнително е изгубена, пациентите се во очај и неверување и се почесто спасот го бараат во странство, а во Македонија плаќаат здравствено осигурување. Од оваа временска дистанца може слободно да кажам дека овој невиден скандал ќе го обременува и ќе го обструира здравствениот систем во целина уште долго време затоа што ќе остави длабоки и тешко решливи последици кои најмногу ги погодуваат пациентите, а потоа ќе го отежнат патот кон решавање на проблемот, вели Чибишев за КУРИР.

Чибишев коментира дека недостигот на лекови и потребен медицински материјал на оваа Клиника ќе трае и ќе биде тешко за неколку месеци да се реши.

-За мене не постои оправдување за настанатата ситуација во која се давале скапи и неопходни лекови “под рака”, не се санкционирале вработени за кои имало докази дека ја злоупотребуваат довербата која им е дадена, не се обелоденувале извештаите од инспекциите кои ги правеле соодветните служби во Министерството за здравство и Фондот за здравствено осигурување . Така агонијата и „ бонбона“ бизнисот си врвел и понатаму и траел со години, како во поговорката “ кучињата лаат, караванот си врви“. На крајот, проблемот нема да го решат жалопојќи и обвинувања од типот дека сега има нова власт и таа треба тоа што еден неодговорен го направил, 100 одговорни да го решат за неколку месеци, посочува директорот на Токсикологија, доктор Чибишев.

Чибишев во изјава за КУРИР оценува дека овој скандал не се решава за неколку месеци, потребно е време, трпение, знаење, енергија, чесност, соработка на сите нивоа и соодветна поддршка од надлежните државни институции.

-Одговорните лица од Клиниката за Онкологија, Министерството за здравство и Фондот за здравствено осигурување  ја имаат поддршката од јавноста тоа да го направат. Уверен сум дека наскоро ќе имаме стабилен здравствен систем и подобра здравствена грижа за сите, посочи Чибишев.

ИЗВОР: kurir.mk

MARKETING

MARKETING

MARKETING

Претходно

МЖСПП: МВР продолжува со засилени контроли на возила за намалување на аерозагадувањето

Следно

Израелската армија осми ден ги проширува и продолжува со нападите врз северниот дел на Западниот Брег

Latest from Blog

ССМ и бизнисот бараат државата да ги субвенционира придонесите ако се зголеми минималната плата

Сојузот на синдикати на Македонија (ССМ) и бизнис секторот се согласуваат дека државата треба да ги субвенционира придонесите за повисоки плати. И двете страни предлагаат мерки за поттикнување на платите, но останува

ВМРО-ДПМНЕ: СДС да се огради од Ковачевски, Груби и Андов и да поддржат интерпелација на Коцевски за да се одглават постапките

СДС да се огради од Васко Ковачевски, Артан Груби и Филип Андов, и да поддржат интерпелација на Љупчо Коцевски за да се одглават постапките. Васко Ковачевски е фатен во милионски криминал, а

Мицкоски: Светот се менува и ние мора да го фатиме чекорот

Претседателот на Владата, Христијан Мицкоски на седницата на Собранието посветена на пратенички прашања ги коментираше своите посети на Вашингтон и Минхенската конференција. Тој истакна дека во периодот се остварени низа контакти и

Осум лица се уапсени по пронаоѓањето 31 дете во Брчко, во истрагата вклучен Европол

Полицијата во Брчко во Босна и Херцеговина, уапси вкупно осум лица осомничени за трговија со деца, откако во куќа во градот пронашла 31 дете. „Во рамки на досегашните активности за пронаоѓање на
Go toTop