ДКСК бара кривичен прогон на Даштевски и други лица од ДИК за набавката на „фингерпринт-уредите“

July 19, 2023
2 mins read

Антикорупционерите се сомневаат во тендерската постапка, изборот на комисијата, приемот на уредите, приемот на софтверот и многу други елементи од набавката на системите за идентификација со отпечаток од прст кои беа купени за локалните избори во 2021 година

Во април годинава „360 степени“ откри дека локалните подизведувачи за тендерот оствариле неверојатен раст на бизнисот во годината кога се купиле апаратите. Компанијата „Алфазет-М“ во 2021 година имала приходи од околу 1,3 милион евра, од што профитот е речиси еден милион евра. Следната година фирмата имала само 50-ина илјади евра приходи. Вториот подизведувач, „Симболоко“, во 2021 година прикажал 2,2 милиони евра приходи. За споредба, годината претходно приходите им се десетпати помали – околу 200 000 евра

Државната комисија за спречување на корупцијата (ДКСК) одлучи да поднесе иницијатива за поведување постапка за кривично гонење за сите одговорни во Државната изборна комисија (ДИК) до Основното јавно обвинителство за гонење на организираниот криминал и корупција, а во врска со набавката на опремата за гласања со идентификација на отпечаток на прст. Антикорупционерите сметаат дека при набавката на т.н. „фингерпринт-уреди“ е сторена штета врз Буџетот на Република Северна Македонија преку пропуштање дејствија, ненавремено постапување, непостапување и злоупотреба на службената положба во корист на трети лица.

Александар Даштевски, претседател на ДКСК.

Овие наоди се образложени во извештај од 19 точки на кои ДКСК работеше подолго време. Некои од главните наоди се дека не може да се констатира со задоволителен степен на уверливост, зашто првично проценетата вредност на набавката порасна од 300 000 000 на 720 000 000 денари, односно од околу 5 на 12 милиони евра. Сомнежи кај ДКСК има и поради фактот дека првиот тендер пропадна, па имаше промени во комисијата за јавната набавка, за потоа вториот обид да биде успешен.

Потпишување на меморандум меѓу ДКСК и Јавното обвинителство на РСМ, фото: архива

„Од споредување на содржината на тендерската документација од поништената постапка со верзиите на тендерската документација од реализираната постапка се забележуваат разлики во содржината на техничките спецификации. Тендерската документација со дефинираните технички спецификации, критериумите за избор на најповолна понуда и критериумите за способност на економските оператори била предмет на чести измени. Иако измените биле спроведени согласно одредбите на Законот за јавните набавки и во насока на исполнување на дел од барањата на економските оператори, истите влијаеле на квалитетот, целосноста, точноста и прецизноста на информациите за начинот на кој ќе се спроведе постапката за јавна набавка. Иако жалбите од незадоволните економски оператори биле одбиени од Државната комисија за жалби по јавни набавки, истите укажуваат на слабости во процесот на претходна проверка на пазарот и содржат наводи за дискриминаторски и непропорционални критериуми за квалитет“,

се вели, меѓу другото, во извештајот на ДКСК.

Подетално за наодите во извештајот на ДКСК ќе известиме подоцна во текот на денов.

„360 степени“ во повеќе наврати известуваше за набавката на уредите за идентификација со отпечаток на прст, потоа за процесот на нивна употреба, но и за текот на „истрагата“ на ДКСК за овој случај. Последно, откривме дека локалните подизведувачи на добитникот на тендерот „Дермалог“, оствариле рекордни профити само во годината кога се купуваше опремата.

Независно од сторијата за „Дермалог“, во истото издание на „360 степени“ кога ја објавивме сторијата за профитите, премиерно го прикажавме и нашиот истражувачки мини-документарец – дека тештата на претседателот на Државната изборна комисија, Александар Даштевски, во септември лани купила куќа на Халкидики, а тој бил ополномоштен правно да ја заокружи купопродажбата. Денот кога требаше да ја објавиме сторијата Даштевски ја тргна од својот фејсбук-профил семејната фотографија направена во таверната во Елани – местото во кое се наоѓа куќата. ДКСК за тој случај води посебен предмет.

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

Претходно

Заврши повикот за субвенции за инвертери 19.7.2023

Следно

Јужноафриканска Република: Путин нема да присуствува на Самитот на БРИКС во Јоханесбург

Latest from Blog

Зеленски: Ракети за западните ПВО системи ќе бидат дел од првата испорака во рамките на механизмот на НАТО за купување оружје од САД

Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките

НУУБ „Св. Климент Охридски“ одбележа 80 години со промоција на монографија

Во Националната установа Универзитетска библиотека „Св. Климент Охридски“ во Битола вечерва се одржа промоција на монографијата посветена на работата и развојот на библиотеката во периодот од 1945 до 2025 година, во рамките

Судиска комисија до Бешири: „ВАР нема двојни стандарди. Алиби изјавите се најголемото зло во фудбалот”

Судиската комисија при Фудбалската федерација на Македонија реагира на изјавата на Јетон Беќири по натпреварот Струга Трим Лум – Шкендија, во која тренерот на тетовскиот клуб обвини за двојни стандарди во користењето

Бијонсе го прослави 44. роденден во проѕирен фустан, фановите воодушевени (ФОТО)

Откако ја заврши својата историска турнеја „Каубој Картер“ во јули, за време на која ја видовме во безброј комбинации со кожни панталони, крзна и каубојски шапки, пејачката се врати на гламурот на
Go toTop