Денеска го одбележавме значајното партнерство меѓу Министерството за финансии и САД, кое со години придонесува за градење модерен, транспарентен и одговорен систем на јавни финансии, истакна министерката за финансии, Гордана Димитриеска Кочоска.
-Со поддршка од Трезорот на САД и Канцеларијата за техничка помош – ОТА, работиме на зајакнување на институциите, подобро управување со јавниот долг, посилна буџетска отчетност и развој на финансиските пазари. Ова партнерство не е само техничка соработка, туку долгорочна инвестиција во стабилноста, довербата и економскиот развој на државата, истакна таа.
Министерката упати благодарност до Соединетите Американски Држави и амбасадорката Ангела Агелер за континуираната поддршка и посветеноста кон реформите што директно го подобруваат квалитетот на јавните финансии и животот на граѓаните.
Извор: kurir.mk
