Димитриеска- Кочоска во Загреб: Интеграцијата на регионалните пазари на капитал значи поголем пристап до извори на финансирање, доверба и европски стандарди

August 25, 2025
1 min read

Министерката за финансии, Гордана Димитриеска- Кочоска, учествуваше на панел-дискусија на министрите за финансии и економија и претставници на институции од земјите од Централна и Југоисточна Европа на тема „Зајакнување на националните пазари на капитал преку заеднички иницијативи и соработка“.

Панел-дискусијата се одржа во рамки на иницијативата на Министерството за финансии на Хрватска за потпишување на Меморандумот за разбирање за соработка за развој на пазарот на капитал, помеѓу Хрватска, Бугарија, Унгарија, РС Македонија, Полска, Романија, Словачка и Словенија.

Во своето излагање министерката истакна дека клучниот бенефит за Македонија од оваа иницијатива може да се сумира во еден збор – пристап.

„Силно верувам дека за две до три години ќе ги видиме бенефитите кои нашиот бизнис сектор и нашите компании ќе ги добијат од овој Меморандум. Доаѓам од приватниот сектор и добро знам колку е тешко за една компанија да ја убеди банката дека нејзината идеја или иновација е доволно сериозна за да успее. Во такви услови, пазарот на капитал е единствениот начин компаниите побрзо да растат и да го реализираат својот потенцијал,“ рече Димитриеска Кочоска.

Таа потенцираше дека интеграцијата им овозможува на нашите компании, особено на малите и средни претпријатија кои се столбот на економијата, да добијат поголем број инвеститори, различни извори на капитал и нови прекугранични партнерства.

„Нашиот домашен пазар е релативно мал и ограничен во ликвидноста. Затоа, преку оваа иницијатива ја отвораме вратата за многу поширок пазар и посилни можности за финансирање. Но, ова не е само прашање на финансии, туку и на доверба и кредибилитет. Со интеграцијата се доближуваме до европските стандарди, ја засилуваме транспарентноста, предвидливоста и довербата кај инвеститорите. Тоа е суштински предуслов за поголеми инвестиции,“ нагласи министерката.

Министерката потенцираше дека за земја кандидат за членство во Европската унија секој чекор кон усогласување на регулативата и продлабочување на соработката претставува и чекор поблиску до европската интеграција.

„Еден од нашите главни приоритети е да обезбедиме полесен пристап до финансирање за компаниите, особено за малите и средни претпријатија. Интеграцијата на регионалните пазари на капитал директно придонесува за исполнување на овој приоритет. Најважната задача што е пред нас како влади и законодавци е усогласувањето на регулаторното окружување.,“ истакна Димитриеска Кочоска.

Со оваа иницијатива, како што заклучи министерката, регионот испраќа јасна порака за подготвеност за соработка, заеднички развој и создавање на поатрактивен и посилен капитален пазар кој ќе работи во интерес на компаниите и инвеститорите.

Извор: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Македонец со потег за пофалба- му го вратил на студент од Белград загубениот паричник во Грција

Следно

Омерагиќ: Источната трибина бесплатна за децата и младинските категории

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop