Најголем дел од коалициите и партиите кои ги поднесоа своите пратенички листи денеска ги потврди ДИК иако остануваат уште неколку кои ќе мора да доработат на корекции, но исто така се очекува исходот од проверките на надлежните институции- односно основните судови и МВР.
Претседателот на ДИК Александар Даштевски и на денешната седница на комисијата посочи дека очекува до утре сите листи да бидат комплетирани.
На овие избори пратенички листи поднесоа 17 партии и коалиции од кои дури 13 во сите изборни единици. Овие парламентарни избори ќе бидат единаесетти во земјава. Во шест изборни единици ќе се добијат по 20 пратеници за новиот парламентарен состав.
И на овие избори нема да има тројца пратеници избрани од дијаспората, бидејќи за гласање во дипломатско конзуларните претсавништва на Македонија во странство не се пријавиле доволно гласачи, државјани на Македонија.
Извор: 24vesti.mk
