Француската фудбалска репрезентација нема да смета на Адриен Рабио во јунските настапи, бидејќи играчот за врска заработил повреда на последниот тренинг.
Рабио кој официјално се уште е фудбалер на Јувентус заработил мускулна повреда на десната нога и нема да биде во комбинација за претстојните натпревари, а селекторот Дидие Дешамп експресно повикал замена во националниот тим.
Местото на Рабио ќе го пополни членот на Астон Вила, Бубакар Камара, кој се рехабилитираше од повредата на крајот на сезоната и ги одигра последните натпревари за екипата која избори пласман во Конференциската лига.
Франција најпрвин се среќава со Гибралтар во петок, додека три дена подоцна ќе ја пречека Грција во Париз.
ИЗВОР: kurir.mk
