ИСФАХАН (АА) – Џамијата Шеих Лотфолах во Исфахан, Иран, која се наоѓа на плоштадот Накш-е Џахан, е едно од најзначајните архитектонски достигнувања од времето на Сефевидите и еднa од најубавите исламски градби, јавува Анадолу.
Изградена на почетокот на 17 век за време на владеењето на Шах Абас I, оваа џамија се издвојува од останатите по својата уникатна архитектонска концепција.
За разлика од повеќето џамии, таа е подигната без минариња и двор, бидејќи не била наменета за јавни молитви, туку исклучиво за приватна употреба на кралското семејство.
Величествената купола со деликатни мозаици и керамички украси во сини, жолти и кремасти нијанси, во комбинација со внатрешните калиграфски орнаменти, сведочи за извонредниот уметнички израз на тоа време.
Извор: Anadolu Agency (AA)
