Деветгодишно дете од Свети Николе почина на Детската клиника, било донесено во тешка здравствена состојба

Деветгодишно дете од Свети Николе починало на Клиниката за детски болести во Скопје. Во вторникот кај нив било донесено деветгодишното дете од Свети Николе, кое починало по неполни два часа.

Претходно, од штипската Клиничка болница излегоа со соопштение за смртта на деветгодишното дете. 

Како што се наведува во соопштението, детето било донесено на Одделот за детски болести во штипската Клиничка болница на 14 јануари во 18 часот во „тешка општа состојба со засегната свест“.

– Веднаш се реализирани биохемиски иследувања и КТ на глава и поради тешката состојба, со медицинска придружба во 19 часот, истиот ден, детето е транспортирано до Клиниката за детски болести во – Скопје. – се додава во соопштението.