Високиот претставник на ЕУ за надворешна политика истакнува дека со санкциите се опфатени и одговорните за присилната депортација и посвојувањето на најмалку 6 000 украински деца
Европската Унија и формално го усвои десетиот пакет санкции кон Русија поради војната што оваа земја ја започна во Украина.
Се смета дека е најдалекусежниот пакет досега и со него се опфатени 121 лице и фирми.
Синоќа, шведското претседателство со ЕУ соопшти дека е санкциите се одобрени, а денеска за нив се огласија и високиот претставник за надворешни работи и безбедносна политика на Унијата, Жозеп Борел, и претседателката на Европската Комисија (ЕК), Урсула фон дер Лајен.
Борел посочи дека санкциите значат нови ограничувања за извор и увоз од Русија, забрана за руската пропаганда, уништување на руската воена машина, а истакнува дека со санкциите се опфатени и одговорните за присилната депортација и посвојувањето на најмалку 6 000 украински деца.
„Остануваме обединети во нашата решеност да ја уништиме руската воена машина. Како дел од нашите списоци, ги таргетираме и оние кои се одговорни за депортацијата и принудното посвојување на најмалку 6 000 украински деца. Ова е јасно кршење на меѓународното право, вклучително и Женевската конвенција“,
вели Борел.
As part of our listings, we are targeting those responsible for the deportation and forced adoption of at least 6.000 Ukrainian children.
This is a clear violation of international law, including the Geneva convention, as I raised at UN Security Council yesterday.
2/2 pic.twitter.com/MfeqxkZ3Hk
— Josep Borrell Fontelles (@JosepBorrellF) February 25, 2023
Претседателката на ЕК, пак, очекува овој пакет санкции да ги притисне оние што ги заобиколуваа досегашните санкции.
„Го поздравувам официјалното усвојување на нашиот 10. пакет санкции против Русија. Ги имаме најдалекусежните санкции досега – исцрпување на воениот арсенал на Русија и загризување длабоко во нејзината економија. Исто така, го зголемуваме притисокот врз оние кои се обидуваат да ги заобиколат нашите санкции“,
вели Фон дер Лајен.
I welcome the formal adoption of our 10th sanctions package against Russia.
We now have the most far-reaching sanctions ever – depleting Russia’s war arsenal and biting deep into its economy.
We are also turning up the pressure on those trying to circumvent our sanctions. https://t.co/hh74CxvbCx
— Ursula von der Leyen (@vonderleyen) February 25, 2023
Дека ова се најдалекусежните последици, синоќа процени и шведското претседателство.
„Заедно, земјите-членки на ЕУ ги воведоа најсилните и најдалекусежни санкции досега за да ѝ помогнат на Украина да победи во војната. ЕУ е обединета со Украина и со украинскиот народ. Ќе продолжиме да ја поддржуваме Украина се додека е потребно“,
објави шведското претседателство со ЕУ на Твитер.
Извор: 360stepeni.mk
