По повод кривичната пријава против „Банана филм“ Продукција, од страна на Агенцијата за филм и превземените постапки од ОЈО и Финансиската полиција, во целост ви го пренесуваме демантот од продукцијата.
Агенцијата за филм лаже. Извештајот на инспекцијата на Министерството за култура од 4 април 2023 година вели: „Не е утврдено ненаменско или спротивно на договорот користење на средства добиени од агенцијата за филм, од причина што корисникот на средствата се придржувал кон финансискиот и оперативен план“. Значи, инспекцијата јасно вели дека нема неправилности и ја запрела постапката што ја побара самата Агенција за филм. Филмовите на „Банана филм“ поминуваат со позитивни оценки низ домашни и странски ревизии и низ инспекција на министерството.
Групата која незаконски владее со Агенцијата за филм ја пласира оваа лага за да се одвлече вниманието од катастрофалните извештаи за нивната работа на Државниот завод за ревизија (кој вели: „Со извршената ревизија изразивме неповолно мислење“), на Транспаренси Интернешнал Македонија и од фактот дека Антикорупциска комисија ја истражува работата на Агенцијата и на ДФРМ. Поплаки од повеќе филмаџии против агенцијата и ДФРМ има и до вицепремиерката Славица Грковска.
Правниот тим на „Банана филм“ подготвува тужби и кривични пријави за кршење на законот по повеќе основи, за попречување на нашата професионална работа, за замолчување укажувач на корупција и за клевета.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
