Кевин Де Брујне одговори на прашањето зошто одлучил да ја продолжи кариерата во Наполи.
Триесет и четиригодишниот Белгиец се приклучи на италијанскиот клуб ова лето како слободен играч на трансфер пазарот по десет години во Манчестер сити.
– Главната причина е што сакав да играм на највисоко ниво. Кога спортскиот директор на Наполи дојде во Англија и ми го претстави она што го прават и проектот поврзан со тоа, бев инспириран. Разгледавме сè и решив дека ова е најдоброто место за мене. Тие веќе се шампиони, но продолжуваат да го зајакнуваат тимот, изјави Де Брујне за „Фудбал Италија“.
Фудбалерот верува дека ќе може да му помогне на тимот да расте и да се навикне на начинот на живот во Италија.
Де Брујне одигра 421 натпревар за Манчестер сити од 2015 година, постигнувајќи 108 гола и 177 асистенции.
Тој со тимот ја освои титулата во англиската Премиер лига шест пати, двапати Англискиот куп и Суперкуп, како и Лигата на шампионите.
Извор: kurir.mk
