По се она што се случуваше вчера на финалето на АФКОН, по сите оние скандали и инциденти, јасно е дека сите оние кои нешто значат во светот на фудбалот си имаат што да кажат. Некои сметаат дека Сенегал треба да остане без титулата, односно мечот да биде прогласен со 3:0 за Мароко ако се знае дека Сенегалците го напуштија теренот, па после се вратија на барање на Садио Мане.
Од друга страна и првиот човек на ФИФА, Џани Инфантино имаше свој коментар:
„Сведоци сме на неприфатливи сцени на теренот и на трибините. Остро го осудуваме однесувањето на дел од навивачите бидејќи насилството не може да се толерира. Исто така, го осудуваме однесувањето на играчите и членовите на сенегалскиот тренерски штаб. Неприфатливо е играчите да го напуштаат теренот. Одлуките на судијата на и надвор од теренот мора да се почитуваат. Тимовите мора да ги почитуваат правилата на фудбалската игра, во спротивно самата суштина на фудбалот е доведена во прашање“, нагласи Инфантино.
Извор: vecer.mk
