Емисијата „Inside21“ обезбеди ексклузивни снимки од местото на настанот каде се чини дека дошло до вербална расправија, која подоцна станала кобна за обвинетиот Б.М. Овој видео материјал кој како доказ го смета Основното обвинителство Куманово се покажа како недоволен за докажување на фактичката состојба. Но, според снимките, јасно се гледа дека Б.М. се приближува до такси возилото каде што возач бил М.П. а таму имаат вербална комуникација. Во ниту една од секвенците од овие 4 минути и 55 секунди не се гледа дека обвинетиот Б.М. е физички нападнат. Освен што ја отворил и затворил вратата не е забележан физички контакт, коиј предизвикал физички повреди на М.П. како што е наведено во обвинителниот акт на обвинителот на случајот Горан Пешевски.
„Додека жртвата седела во возилото, тој наеднаш го удрил со тупаница во пределот на главата и жртвата ја подигнала левата рака за да се одбрани, но во тој момент пријавениот силно ја турнал вратата за да ја затвори, нанесувајќи му тешка физичка повреда – фрактура во пределот на зглобот на левиот лакот и повреда на главата“, велат од ОЈО Куманово.
Оштетениот во случајов М.П не побарал итна медицинска помош иако Ургентниот центар на Градската болница бил пред улицата „Сава Ковачевиќ“ каде што се случил инцидентот. Случајот не го пријавил ниту во СВР-Куманово за да побара заштита од полицијата дека бил нападнат. Видео снимката од предметниот настан е преземена од безбедносната камера на установата за итни случаи. Овие слики покажуваат дека и по разговорот на двете страни, таксито се движело само неколку метри и останало таму неколку минути.
„Се наоѓаме пред Ургентниот центар во Куманово, каде веднаш преку патот е зградата каде што пред две години имаше градилиште, каде што се случи неславниот инцидент, за лицето кое сега е обвинето и ќе треба да сноси одговорност за проблем што тој не го направи“, вели репортерот на ТВ21.
Поради тоа, во Основниот суд се носи пресуда против обвинетиот Б.М. Условна затворска казна од 3 месеци!
„Обвинетиот Б.М. досега не осудуван и не се води постапка против него за друго кривично дело, се прогласува за ВИНОВЕН затоа што: На 22.12.2022 година околу 07:15 часот на ул. „Сава Ковачевиќ“ во Куманово, пред „Ургентен центар“, пред објектот во изградба, поради невнимание тешко го повредил лицето М.П. во кој случај обвинетиот Б.М. Сторил кривично дело „телесна повреда“ по член 130 од Кривичниот законик. Се определува КАЗНА ЗАТВОР ОД 3 МЕСЕЦИ под услов во рок од една година да не стори друго кривично дело“, вели Основниот суд Куманово.
Ова решение беше обжалено од страна на одбраната на Б.М. но и Апелациониот суд ја потврдува одлуката на Кривичниот суд. По правосилната пресуда, органите на правдата, на оштетениот М.П. му отвора пат за почеток на уште еден правен процес, во Граѓанскиот суд за оштета за физичките, психичките и душевните последици…
ИЗВОР: ТВ 21
