Дали чкртање на Прајд знаме стварно е „злосторство од омраза“?

July 23, 2024
2 mins read

Прајдот се претвори во речиси надреална тема. Од нешто што некогаш беше годишен марш на протест против неправедната криминализација на хомосексуалноста, тој се трансформираше во едномесечен панаѓур на кој корпорациите можат да мавтаат со својата поддршка за правата на хомосексуалците, сега кога тоа е е безбедно и профитабилно да се прави тоа.

Полицајци танцуваат наоколу, знамето се вее од врвовите на училиштата, болниците и зградите. Во источен Лондон, знамето е насликано и на земја, давајќи им на минувачите секојдневна шанса да оддадат почит на новата државна религија.

Не сите биле среќни поради ова па неидентификуван вандал ги обоил знамињата со црвена боја, а полицијата тоа го третира како „злосторство од омраза“. Нормално, полицајците ги посветуваат сите можни ресурси за да го изведат сторителот на овој грозоморен чин пред лицето на правдата, одејќи од куќа до куќа во потрага по сведоци и преземајќи форензички вештачења на местото на злосторството.

Истрагата ја води инспектор кој рече дека стои „со локалната ЛГБТКју+ заедница и нема да ги толерира овие одвратни злосторства од омраза“.

Дали е свесен дека многу геј луѓе сметаат дека Прајд знамето е инхерентно хомофобично (види: За кого всушност е тоа Прајдот? )? На крајот на краиштата, тоа претставува идеологија која се обидува да го искорени самиот концепт на хомосексуалноста и да го редефинира како „привлечност од ист пол“. Тоа е знамето на оние кои веруваат дека родово неконформистичка младина, од кои повеќето ќе пораснат во геј, треба да бидат медицински „поправени“ за подобро да се усогласат со хетеросексуалните парадигми. Ако инспекторот навистина стои со геј луѓето, тој треба да го награди вандалот.

Можеби лондонската полиција учи од онаа во САД , каде минатиот месец тројца тинејџери беа уапсени затоа што со своите скутери правеле „шкрипки“ на пешачки премин во Прајд бои во Вашингтон. Беа обвинети по член од закон за кривично дело за криминал од омраза кој носи потенцијална казна од 10 години затвор. Оние што обезличуваа статуи на основачките татковци на САД се охрабруваа како смели борци за социјална правда.

Настрана сите аналогии, обезличувањето на знамињата на гордоста во источен Лондон е вандалски чин и оттука е незаконски. Но, дали е тоа навистина „злосторство од омраза“? Многу поверојатно е дека е мотивиран од иритација што се трошат пари на овие бесмислени гестови за поддршка на заедницата која веќе ужива целосно еднакви права според законот – брендирање на еден премин во Блекпул чинеше 6.000 фунти од даночните обврзници. Да, дискриминацијата сè уште постои во Обединетото кралство, но тоа веројатно нема да се поправи со бојадисување асфалт.

Постојат и практични грижи за околу овие теренски дизајни. Активисти за правата на лицата со попреченост постојано истакнуваат дека пешачките премини во виножито предизвикуваат огромни проблеми за слабовидите и нивните кучиња водичи а за полициските коњи овие бои се дезориентирачки. Можеби вандалот во Блекпул воопшто не бил хомофоб, туку милитантен хипофил (оној кој сака коњи) кој не сака да ги гледа животните исплашени.

Се разбира, не го одобрувам вандализмот и, без разлика на мотивот, не можеме да толерираме оштетување на јавен имот. Но, исто така, верувам дека е контрапродуктивно таквите инциденти автоматски да се ескалираат во статус на „злосторство од омраза“. Пред сè, оние што се на власт треба да разберат дека овие квази-религиозни симболи се крајно разединувачки и дека провоцирањето на јавноста со нивните бескрајни промоции само ќе ги влоши работите.

Ендрју Дојл

ИЗВОР: off.net.mk

MARKETING

MARKETING

MARKETING

Претходно

Полициските хеликоптери исфрлија над 148 тони вода врз пожарите кај Старо Нагоричане и Брезница

Следно

Екипиран вториот владин ешалон – изгласани замениците – министри

Latest from Blog

Премиерот Мицкоски денеска во Костал: Трета инвестициска фаза од 40-45 милиони евра и 250 вработувања

Претседателот на Владата Христијан Мицкоски утре ќе присуствува на започнување на третата фаза од инвестицискиот циклус на германската компанија КОСТАЛ Македонија во Општина Охрид. Третата фаза на инвестициски циклус на КОСТАЛ Македонија

СОСТОЈБА НА ПАТИШТА: Собраќајот се одвива непречено и по претежно суви коловози

ЗИМСКА ОПРЕМА: Од 15.11.2024 година започнува законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2025 година. Повеќе информации може

Таеквондистот Дејан Георгиевски се враќа со сребрен медал од Г1 Светскиот куп во БиХ

Сребрен медал освои македонски таеквондист Дејан Георгиевски од Босна и Херцеговина Опен Г1. Нови вредни бодови за Георгиевски на патот до обезбедување норма за учество на следните Летни олимписки игри во Лос Анџелес 2026.

„Храбар и решителен“, Зоран Заев се најде во мемоарите на Ангела Меркел

Поранешната германска канцеларка Ангела Меркел ја претстави својата книга „Слобода: Мемоари 1954-2021“, дело кое повторно го привлече вниманието на светската јавност. Во книгата, Меркел пишува за својот приватен и професионален живот, ставајќи

Зоран Заев е единствениот политичар од Балкан што Меркел го споменува во нејзините мемоари

„На Западен Балкан, единствениот (жив) политичар кој Меркел го споменува во своите мемоари е Зоран Заев, кого таа го нарекува ‘храбар и решителен’, објави Михаел Мартенс, прославениот новинар на Франкфуртер Алгемајне Цајтунг
Go toTop