Дачиќ со нов наратив кон Русија и најава за можно воведување санкции, оценуваат регионалните медиуми

January 26, 2023
2 mins read

„Доколку нешто се промени на штета на интересите на Србија, тогаш и нашата одлука ќе биде прилагодена на тоа, бидејќи секогаш ќе оценуваме која е најдобрата одлука за нашата економија, за нашиот углед во светот и за граѓаните на Србија“, вели шефот на српската дипломатија во интервју за „Еурактив Србија“

Дел од регионалните медиуми во реториката на српскиот министер за надворешни работи, Ивица Дачиќ, како и на премиерката на Србија, Ана Брнабиќ препознаваат знаци за можен пресврт во еден од најцврстите надворешнополитики ставови на Белград, а кој се однесува на воведувањето санкции кон Русија поради војната во Украина.

Министерот за надворешни работи на Србија, Ивица Дачиќ вели дека Белград се раководи пред се од проценката што е во нејзин најдобар интерес/Фото: EPA-EFE/ANDREJ CUKIC

И покрај бројните критики од меѓународната заедница, пред се САД и ЕУ по ова прашање, во одговорите на Дачиќ во интервју за Еурактив Србија прв пат навестува дека Белград може да го промени курсот и да воведе санкции кон Русија, што е едно од клучните барања на ЕУ за напредок на земјата во преговорите за членство во ЕУ, пишува регионалниот сервис на Радио Слободна Европа (РСЕ).

Во ексклузивното интервју за Еурактив Србија, Дачиќ рече дека Србија, која е кандидат за ЕУ ​​од 2012 година, се раководи пред се од проценката што е во нејзин најдобар интерес.

„Го осудуваме нарушувањето на територијалниот интегритет на Украина и така гласавме во меѓународните тела. Дали ќе воведеме санкции кон Русија е друго прашање. Тоа не е прашање на време или рокови, тоа е прашање што се однесува на нашите политички и економски интереси“,

вели тој во интервјуто.

Инаку, српскиот претседател Александар Вучиќ остро се спротивставува на воведувањето санкции на Москва поради нејзината инвазија на Украина, често нагласувајќи дека Србија ја увезува целата своја нафта и гас од Русија, но е под зголемен притисок од Западот да ја промени својата позиција.

Во октомври, тој го претстави планот од 12 милијарди евра за инвестирање во енергетската инфраструктура во текот на шест години за да се диверзифицираат и обезбедат енергетските резерви.

Дачиќ за Еурактив Србија вели дека од руската анексија на Крим во 2014 година, Србија не се приклучи на западните санкции „бидејќи проценивме дека тоа нема да биде во наш интерес“.

„Доколку нешто се промени на штета на интересите на Србија, тогаш и нашата одлука ќе биде прилагодена на тоа, бидејќи секогаш ќе оценуваме која е најдобрата одлука за нашата економија, за нашиот углед во светот и за граѓаните на Србија“,

вели Дачиќ.

Како друг знак дека наративот за Русија, која се смета за традиционален сојузник на Србија, може да се помести, медиумите го лоцираат кај српската премиерка Ана Брнабиќ, која присуствуваше на отворањето на Еурактив Србија во Белград  вечра вечер и зборуваше за „руска агресија кон Украина“.

Ова е формулација која Србија досега не ја користела. Таа, исто така, ја пофали ЕУ како најголем инвеститор и донатор во Србија.

Премиерката на Србија, Ана Брнабиќ прв пат ја употреби формулацијата „руска агресија врз Украина/Фото: Архива

Дачиќ го прогласи членството во ЕУ за „приоритет на Србија“, но ја критикуваше ЕУ за одложување на проширувањето.

„Тој наратив што често го слушаме, дека Балканот би можел да создаде нови проблеми доколку е во ЕУ, е повеќе изговор бидејќи ЕУ забележа намалување на апетитот за проширување. Тоа е прашање што не носи гласови за европските политичарите и затоа тоа го маргинализираат“,

изјави министерот за надворешни работи на Србија, Ивица Дачиќ.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Арсовска негира дека е скратен буџетот на МКЦ и дека имало притисок врз ексдиректорот

Следно

Скопје ќе биде домаќин на елитен таеквондо турнир

Latest from Blog

Ѓорѓиевски од Кисела Вода: Време е моделот на успех да го пренесеме на целиот град

Кандидатот за градоначалник на град Скопје, Орце Ѓорѓиевски, вечерва од Кисела Вода — општината каде што, како што рече, „сè започна“ — ја одржа својата прва голема промотивна средба со граѓаните. Пред

Мастантуоно за споредбите со Јамал: “Тој е одличен играч, но јас сум фокусиран на својата игра“!

ФОТО: Real Madrid FC/FB Франко Мастантуоно во целост ги оправдува средствата кои Реал Мадрид ги вложи во него. Младиот Аргентинец не ретко оваа сезона е стартер кај “кралевите“, игра добро, фановите на

Пецаков: Општина Охрид докажа дека промената е можна

Кирил Пецаков, градончалникот на Охрид и кандидат на ВМРО-ДПМНЕ и Коалицијата за втор мандат на престојните Локални избори, вечерва пред граѓани на Охрид ги посочи промените во работењето на општинската администрација за

Меџити го предизвикува Бујар Османи: Земи кого сакаш, Али Ахмети, Артан Груби, ПР агенциите и дојди на телевизиски дуел (ВИДЕО)

На митингот на коалицијата ВЛЕН за локалните избори во општина Арачиново, еден од лидерите на коалицијата и кандидат за градоначалник на општина Чаир, Изет Меџити, одговори на изјавите на неговиот противкандидат Бујар

Бен Афлек ѝ го украде шоути на Џеј Ло- зборува шпански подобро од поранешната сопруга (ВИДЕО)

Оскаровецот, кој е и продуцент на филмот, воодушеви со неговата двојазична изведба, а видеото за миг се прошири на социјалните мрежи. Честитки за поранешната сопруга На црвениот тепих, 53-годишниот актер отворено зборуваше
Go toTop