ДА НЕ СЕ ПОВТОРАТ УНИШТУВАЊАТА ВО ВЛАХО И ЛАГАДИН, ВЕЛИ МИНИСТЕРКАТА ЗА КУЛТУРА КОСТАДИНОВСКА-СТОЈЧЕВСКА

March 8, 2023
1 min read

Министерката за култура Бисера Костадиновска-Стојчевска денеска на прес-конференција зборуваше за заштитата на културното наследство, како и за актуелните случувања во Охридскиот Регион, откако периодов беше оштетен археолошкиот локалитет Влахо при ископ на јаглен, а Министерството за транспорт и врски го поништи решението на Општина Охрид за стопирање на изградбата на хотел во Лагадин.

Министерката кажа дека тоа се преседани кои што не смеат да се повторат, бидејќи културното наследство е врвен приоритет.

Во однос на изградбата на хотелот кај Лагадин, за кој, Министерството за транспорт и врски го поништи решението на градоначалникот Кирил Пецаков со кое беше стопирана градбата , Националната комисија за УНЕСКО, по прашањето со изградбата на објект на крајбрежјето во Лагадин денеска ги донесе следниве заклучоци: „Се препорачува општина Охрид повторно да ги разгледа активностите поврзани за градба на објект на крајбрежјето во Лагадин, при тоа водејќи се по препораките од Реактивните мониторинг мисии на советодавните тела на УНЕСКО и Одлуките на Комитетот за светско наследство и почитувајќи го Планот за управување со светското природно и културно наследство на Охридскиот регион“.

„Силно препорачуваме сите активности поврзани со овој објект да бидат ставени во мирување до конечноста на одлуката на општина Охрид“, рече Костадиновска-Стојчевска.

Таа ѝ препорача на Општина Охрид да ја поништи Одлуката за начин на спроведување на постојните урбанистички планови и урбанистичко плански документации и донесување нови урбанистички планови и урбанистички проекти, како и за начинот на водење на постапките за утврдување на правен статус на бесправно изградени објекти, број 08-17370/61 од 22 декември 2022.

Министерката препорачува и Охрид да донесе нова Одлука која ќе биде во согласност со Законот за управување со светското природно и културно наследство на Охридскиот Регион и со Планот за управување со светското природно и културно наследство на Охридскиот регион, имајќи предвид дека во Законот е од јавен интерес.

Ова, рече таа, доаѓа како резултат на следењето на препораките од Реактивните мониторинг мисии на советодавните тела на УНЕСКО и Одлуките на Комитетот за светско наследство, и водејќи се по Планот за управување со светското природно и културно наследство на Охридскиот регион.

„Во новата Одлука општина Охрид треба да има предвид дека Законот за управување со светското природно и културно наследство на Охридскиот Регион не предвидува исклучоци како што е наведено во членот 4 од Одлуката за начин на спроведување на постојните урбанистички планови“, рече таа.

Б. НЕСТОРОСКА

 

ИЗВОР: sdk.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Затворска казна за хулиганот кој го нападна голманот на Севиља

Следно

(ФОТО) Инциденти на масовните протести во Атина поради трагичната железничка несреќа

Latest from Blog

Проданоски: Населбата „Градина“ ќе создаде нови можности за прилепчани

Кандидатот за градоначалник на општина Прилеп, Дејан Проданоски, ја претстави својата визија за развој на градот, со акцент на создавање на достоинствен и современ живот за сите граѓани. Еден од клучните проекти

Ѓорѓиевски: Пензионерите, лицата со попреченост и социјално загрозените ќе добијат целосна поддршка

Кандидатот за градоначалник на Град Скопје, Орце Ѓорѓиевски, ја претстави својата визија за главниот град како место што се грижи за сите граѓани, без разлика на возраст, здравствена состојба или социјален статус.

Лабудовиќ: Безбедноста на децата и условите за учење се обврска за секоја општина

„Нема поголема инвестиција од онаа во децата. Тие се нашата иднина, нашата сила и најголемата причина да градиме подобар Центар,“ порача кандидатот за градоначалник на Општина Центар од Движењето ЗНАМ – За

ФФМ: Ви благодариме за неверојатната енергија на арената „Тодор Проевски“

По возбудливиот натпревар меѓу Македонија и Казахстан во квалификациите за Светското првенство, кој заврши 1:1 пред преполните трибини на Арената „Тодор Проевски“, Фудбалската федерација на Македонија (ФФМ) им се заблагодари на навивачите

Лајен во посета на БиХ

Предвидено е Лајен посетата да ја почне со обиколка на Меморијалниот центар Сребреница, а потоа во Сараево да има средби со членовите на Претседателството на Бих и со претседавачот на Советот на
Go toTop