Чувар вработен во британска амбасада шпионирал за Русија – доби 13 години затвор

February 17, 2023
1 min read

Смит, кој по потекло е од Пејсли, Шкотска, на суд тврдел дека бил депресивен и осамен и дека пиел повеќе од три литри пиво дневно кога почнал да издава тајни за, како што тврди, да ја засрами амбасадата

Чувар кој работел во британската амбасада во Германија и бил фатен како шпионира за Русија денеска е осуден на 13 години и два месеци затвор. Дејвид Балантин Смит (58) се изјаснил за виновен по осум точки од обвинението, но тврдел дека не сакал да повреди некого намерно. Казната може да ја отслужи во Германија или Британија, пренесува Скај њуз.

Смит, кој по потекло е од Пејсли, Шкотска, на суд тврдел дека бил депресивен и осамен и дека пиел повеќе од три литри пиво дневно кога почнал да издава тајни за, како што тврди, да ја засрами амбасадата.

За време на изрекувањето на пресудата, судијата ги отфрлил неговите молби, велејќи дека „со давање на значителна количина материјал на непријателска земја, тој им наштетил на британските интереси“.

„Вашата работа беше да се осигурате дека амбасадата и нејзиниот персонал се безбедни. Ова беше јасно прекршување на довербата што ви е дадена“,

му рекол судијата на Смит.

Тој утврдил дека Смит „упорно и релативно софистицирано“ собирал информации и предизвикувал „анксиозност и стрес“ кај персоналот на амбасадата и нивните семејства.

Судијата додал дека Смит е „платен од Русија за предавство“, додавајќи дека нема докази дека тоа се „износите што ќе му го променат животот“.

Според пресудата, Смит земал фотографии и документи од фиоките на амбасадата, како и снимки од надзорните камери. Тој на руските службеници им ги дал имињата, фотографиите и личните податоци на персоналот на амбасадата, како и тајните документи.

Покрај тоа, тој снимил видео шетајќи низ амбасадата, со што на Русите им открил детали за зградата и канцелариите. Судијата рече дека Смит „развил антибритански и антизападни чувства“, додавајќи дека тоа „директно ги предизвикало“ неговите постапки.

Колегите од амбасадата слушнале дека Смит отворено ги критикува Велика Британија и Германија и изразува позитивно мислење за Русија и нејзиниот претседател Владимир Путин. Тој пред судот признал дека отворено ги поддржувал проруските сили во регионот Донбас во Украина.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Апсења во Центар, Гази Баба и Карпош: Приведени три лица поради дрога

Следно

Д-р Пановски: Пациентите чии права се нарушени може да се обратат до Комисијата на Град Скопје за унапредување на правата на пациентите

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop