Под мотото „Чисто е убаво! Прилеп денес, и во иднина!“, ЈКП „Комуналец“ Прилеп продолжува со засилени активности за одржување на хигиената во градот.
Екипите на претпријатието секојдневно се на терен, спроведувајќи активности за чистење и перење на улиците, тротоарите и јавните површини, со цел создавање почиста и поубава урбана средина за сите граѓани.
Од „Комуналец“ информираат дека ваквите акции ќе продолжат и во наредниот период, како дел од континуираните напори за подобрување на комуналната хигиена и подигање на свеста за значењето на чистата животна средина.
