По повод големиот христијански празник Свето Благовештение – Благоец, градоначалникот на Прилеп, Дејан Проданоски, присуствуваше на Светата архиерејска литургија во храмот „Свето Благовештение“.
Со Литургијата чиноначалствуваше Неговото Високопреосвештенство, митрополитот г. Петар, кој ги потсети верниците на длабоката смисла на празникот и објавувањето на тајната на спасението преку Пресвета Богородица.
Проданоски го нагласи значењето на празникот како симбол на надеж, нови почетоци и благата вест што носи светлина во срцата, повикувајќи на сплотеност, вера, меѓусебна почит, солидарност и љубов.
„Нека овој празник донесе мир, здравје и благослов во секој дом, а Прилеп нека продолжи да расте како град на духовноста, традицијата и заедништвото“, порача градоначалникот.
