ПАРИЗ (АА) – Четвртата ноќ од протестите, кои избувнаа поради полициското убиство на 17-годишно момче во Франција, приведени се повеќе од 1.300 лица. За време на протестите се повредени 79 припадници на безбедносните сили, известува Анадолу.
Низ Франција и синоќа се одржаа масовни протести поради неодамнешното убиство на младиот Махел М.
Локалните медиуми известуваат дека француското МВР објавило дека изминатата ноќ од слобода се лишени 1.311 демонстранти, а во нередите се повредени 79 полицајци и припадници на жандармеријата.
Демонстрантите во текот на ноќта запалија 1.350 автомобили на улиците на градовите, а материјална штета е нанесена и на 234 згради.
Подметнат е пожар на 2.560 локации на јавни површини, а нападнати се најмалку 30 полициски станици и 11 станици на жандармеријата.
Полицијата на 27 јуни отвори оган кон автомобил во кој имало три лица, убивајќи го 17-годишниот возач кој не ја испочитувал наредбата да запре.
Истрагата за инцидентот е во тек, но овој настан предизвика масовни протести на улиците на градовите низ Франција.
Обвинителството на Франција објави дека полицаецот кој го убил тинејџерот е обвинет за убиство со намера и сместен е во истражен затвор.
Извор: www.aa.com.tr
