Четирите ромски партии дел од владата, очекуваат ВМРО-ДПМНЕ изборот на кандидат за градоначалник на општината Шуто Оризари да им го отстапи ним. Ова во гостувањето во дневникот на ТВ 24 го изјави претседателот на Обединетата партија за еднаквост на Ромите, Неждет Мустафа, по најавите од премиерот мицкоски дека тие ќе излезат со свој предлог кандидат.
Мустафа истакна дека четирите ромски партии се блиску до поддршка на еден заеднички кандидат за шутка на претстојните избори и дека тоа би била надпартиска личност. Разочарани се од најавата на ВМРО-ДПМНЕ дека ќе имаат свој кандидат за Шутка иако не им го узурпираат правото на овие партии и тие да излезат со свој предлог, но и дека оваа своја одлука, очекуваат ВМРО-ДПМНЕ да ја корегира.
Мустафа смета дека не треба да се цепка ромскиот глас зашто тоа нема добро да се одрази врз иднината на Шуто Оризари.
Извор: 24vesti.mk
