Четири случаи на заболени од западнонилска треска во Косово

Националниот институт за јавно здравство на Косово (ИКШПК) соопшти дека во земјата досега се потврдени четири случаи на заразени со вирусот на западнонилската треска, јави дописникот на МИА од Приштина.

Во денешниот збирен извештај за состојбата со западнонилската треска во Косово, ИКШПК соопшти дека првиот увезен случај е потврден на 07.08.2024 година кај жител на општина Косово Поле.

Вториот и третиот случај се вели дека се автохтони и се потврдени на 09.08.2024 година, кај жител на Голем Белаќевац (Bardh i Madh) во Косово Поле, односно на 30.08.2024 година, кај жител на Призрен.

За четвртиот случај се вели дека е увезен случај и е потврден на 05.09.2024 година кај жител од село Старо Рујце (Rufc i Vjetër) во општина Липјан.

Сите случаи се лекувани на Инфективната клиника и по подобрување на нивната здравствена состојба се отпуштени дома.

Во соопштението на Институтот се наведува дека сезонскиот надзор против вирусот на западнонилската треска (WNV) во Европа се врши од јуни до ноември, односно во сезоната на можно ширење кога има масовно присуство на комарци како преносители на болеста.

„Врз основа на известувањето од Европскиот систем за надзор (TESSy) од почетокот на 2024 година до 5 септември 2024 година, 15 земји во Европа пријавиле човечки случаи на инфекција со вирусот Западен Нил: Албанија, Австрија, Бугарија, Хрватска, Франција, Германија, Грција, Унгарија, Италија, Косово, Северна Македонија, Романија, Србија, Шпанија и Турција“, се вели во соопштението.

Вирусот на Западен Нил се пренесува со каснување од комарец кај птиците. Луѓето и цицачите исто така можат да бидат заразени, иако околу 80% од инфекциите кај луѓето не даваат никакви симптоми. Повеќето случаи кај луѓето се случуваат помеѓу јули и септември кога комарците се активни.

„Околу 20% од инфекциите со WNV кај луѓето може да предизвикаат западнонилска треска, која се карактеризира со: главоболка, грозница, мијалгија (болки на мускулите), повраќање, осип, замор, болка во очите. Помалку од еден процент може да предизвика невроинвазивна болест на Западен Нил што влијае на нервниот систем“, се вели во соопштението на косовскиот Институт.

Извор: kurir.mk

Latest from Blog

ВИДЕО: Пожари во Валандово и Дојран, МВР испраќа хеликоптер за гаснење!

Пожар кај с. Марвинци во Валандово, гори сува трева и ниска грмушка, информираат од ЦУК. На терен интервенира Територијалната противпожарна единица Валандово со едно противпожарно возило и двајца пожарникари. Пожар кај с.

Муртезани домаќин на Самитот на лидерите за Западен Балкан

Министерот за европски прашања Орхан Муртезани, денеска беше домаќин на Панелот 2 на Самитот на лидерите од Западен Балкан за Планот за раст кој се одржува во Скопје, информираат од Министерството за

Арсовска со отворено писмо до евроамбасадорот Рокас: „Во секоја држава има мафија, само во Македонија мафијата си има своја држава“

Градоначалничката на Скопје, Данела Арсовска, испрати отворено писмо до амбасадорот на Европската Унија во Македонија, Михалис Рокас, по повод посетата на еврокомесарката Марта Кос во Скопје и одржувањето на Самитот ЕУ –

Челникот на Комисијата на турскиот Парламент, Октај: „Турција е еден од главните елементи на стабилноста на Балканот“

ТИРАНА (АА) – Претседателот на Комитетот за надворешни работи на Големото народно собрание на Турција (ТБММ), Фуат Октај, изјави дека Турција е еден од главните елементи на стабилноста на Балканот, јавува Анадолу.

Марковски избори пласман на главниот турнир во Куршумлијска Бања

Македонскиот тенисер Обрад Марковски со три победи во квалификациите на ИТФ турнирот во Куршумлијска Бања, Србија избори место во „главниот ждреб“. Тој денес во финалето од квалификациите го победи Шин Хес од

MARKETING