Прага вети дека ќе го усвои еврото кога ѝ се приклучи на Европската Унија пред речиси 20 години, но не е поставена конкретна временска рамка за тоа
Чешкиот претседател Петр Павел го искористи своето прво новогодишно обраќање по преземањето на функцијата за да повика на воведување на еврото во Чешка.
„Дојде време да почнеме да преземаме конкретни чекори кои ќе доведат до исполнување на оваа обврска. За централно-европска земја со отворена, извозно ориентирана економија, заедничката валута е логична иднина,
изјави Павел.
Поранешниот началник на Генералштабот на вооружените сили Павел, е на чело на оваа членка на ЕУ и НАТО со околу 10,8 милиони жители од март 2023 година. Тој победи на претседателските избори кои се одржаа во јануари освојувајќи 58,12 отсто од гласовите, додека неговиот противник, поранешниот популистички премиер, сега лидер на опозицијата, петтиот најбогат тајкун во Чешка, Андреј Бабиш (68), освои 41,87 отсто од гласовите.
Чешката Република има своја валута, круната. Прага вети дека ќе го усвои еврото кога ѝ се приклучи на Европската Унија пред речиси 20 години, но не е поставена конкретна временска рамка за тоа. Либерално-конзервативната влада, предводена од премиерот Петр Фиала, се уште не успеала да се договори за датумот за воведување на еврото.
Сепак, промената на законот што стапи на сила на крајот на годината им овозможува на компаниите кои најголемиот дел од прометот го остваруваат во евра да ги чуваат сметките во таа валута. Од чешката стопанска комора велат дека многу големи компании и онака веќе си испраќаат фактури во евра.
Извор: 360stepeni.mk
