Винисиус Жуниор сè уште не го обновил договорот со Реал Мадрид, кој истекува во 2027 година, а гласините за неговото евентуално заминување од „Сантијаго Бернабеу“ во јуни не престануваат да се множат. Најновите вести доаѓаат од Англија, каде што „Гардијан“ објавува дека Челзи внимателно ја следи ситуацијата со Бразилецот и е подготвен да го привлече во своите редови.
Англиското издание тврди дека Лондончани размислуваат да дадат понуда за напаѓачот на лето, која се очекува да биде околу 160 милиони евра.
Реал Мадрид продолжува да работи на обновување на договорот на Винисиус и се чини дека самиот играч е подготвен повторно да потпише, но преговорите остануваат во застој, бидејќи постои сериозно несовпаѓање помеѓу барањата на играчот и понудата на клубот. Раководството е категорично дека доколку ситуацијата не се промени до следното лето, ќе го стават Бразилецот на трансфер листата. Но, никогаш не би дозволиле Винисиус да го заврши договорот до летото 2027 година и да го напушти Реал Мадрид како слободен агент.
Можна разделба помеѓу Винисиус и Реал Мадрид се чини сè поверојатна поради негативниот став на навивачите кон Бразилецот. Тој повторно беше исвиркан на „Бернабеу“ во натпреварот против Бетис (5:1). Ова би можело да го доведе играчот до заминување.
Извор: vecer.mk
