Жителите на Чаир и дел од општината Гази Баба се соочуваат со недостаток на вода повеќе од 20 часа, а градоначалникот на Општина Чаир, Висар Ганиу, остро реагираше преку објава на социјалните мрежи.
Тој ја изрази загриженоста за доцнењето во обновувањето на водоснабдувањето, нагласувајќи дека иако било ветено дека водата ќе дојде во 17:00 часот, состојбата останува непроменета и после полноќ.
Ганиу упати директни критики кон раководителите на јавните претпријатија, кои, според него, се именувани од страна на Блерим Беџети од ДУИ, Димитар Апасиев од Левица и градоначалничката на Скопје, Данела Арсовска.
„Сопрејте луѓе, со ова насилство и понижување кон Чаир!“, напиша Ганиу, апелирајќи до надлежните институции да ја сфатат ситуацијата сериозно и да не ги игнорираат основните потреби на граѓаните.
