реклама
Буџетот на општина Тетово за 2024 ќе изнесува 31 милион евра, за 4 милиони евра повисок од минатата година. Според претседателот на општинскиот совет следнава година ќе биде година на градење засолништа за кучињата скитници и година на детални урбанистички планови.
„Општината има 127 детални планови и општина Тетово вели дека сите ќе се реализираат и на тој начин да се спречат дивоградбите, ако има потреба да се распределат дополнителни средства, ќе се доделат повеќе средства за овој сектор. 4 милиони денари се наменети за општинскиот инспекторат. 4 милиони за изградба на засолништа за кучињата скитници и 6 милиони денари за експропријација“, вели Бесар Дурмиши.
реклама
Од опозицијата обвинуваат дека општина Тетово и оваа година предвидела средства за партиските активисти, а велат дека 2023 ќе се памети по договорот со ВМРО-ДПМНЕ за крстот на Попова Шапка.
„Тетово и оваа година се дави во отпад, со кучиња скитници, рестрикција на водата за пиење, сообраќаен хаос, недостиг од паркинзи, крајно политизирани училишта, училишта во кои се уште се учи во три смени, корупција и непотизам и оваа година ќе се памети по тајниот договор на Биљал Касами со ВМРО за поставувањето нелегален објект, крстот на Попова Шапка“, вели Лиридон Диша.
реклама
Буџетот за 2024 на општина Тетово помина со 17 гласа ЗА. На истата седница општинскиот совет и јавните општински претпријатија поднесоа извештај за сработеното во изминатата година.
реклама
