Бројот на загинати во вчерашниот пожар во хотелот во Туркије порасна на 79

БОЛУ (АА) – Бројот на загинати во вчерашниот пожар во зимскиот центар во северна Туркије се искачи на 79, јавува Анадолу.

Обвинителството во Болу соопшти дека во тек е идентификација на жртвите, а ДНК-тестовите потврдија дека загинале уште три лица, со што бројот на смртно настраданите се искачи на 79.

Знамињата беа спуштени на половина копје низ Туркије и во дипломатските претставништва на земјата низ светот поради националниот ден на жалост по вчерашниот пожар во хотелот во Карталкаја.

Турскиот министер за внатрешни работи, Али Јерликаја, синоќа потврди дека во пожарот загинале 76 лица.

Бројни тимови на итната помош и пожарникарите, и единиците за одговор при катастрофи евакуираа околу 230 луѓе од хотелот во моментите на пожарот. Во рамки на истрагата за пожарот досега се приведени 11 лица.

Регионот Карталкаја во областа Болу е еден од најважните зимски туристички дестинации во Туркије и привлекува илјадници посетители за време на скијачката сезона.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.