МОСКВА (АА) – Бројот на загинати во експлозија на бензинска пумпа во Дагестан, автономна република на Руската Федерација, се искачи на 27, јавува Анадолу.
Претседателот на Автономната Република Дагестан, Сергеј Меликов, соопшти дека продолжува хоспитализацијата на повредените во синоќешната експлозија на бензинската пумпа во Махачкала.
Меликов напомена дека бројот на загинати во експлозијата пораснал на 27, додека бројот на повредени на 102.
„Се истражуваат причините за трагедијата. Полицијата спроведува истрага чии резултати ќе ја гарантираат безбедноста на Дагестанците“, рече тој.
Истражниот комитет на Дагестан, исто така, објави дека е поведена истрага за случајот.
