ИСТАНБУЛ (АА) – Бројот на загинати Палестинци во смртоносните израелски напади врз Појасот Газа кои почнаа на 7 октомври се искачи на 24.620, соопшти денес Министерството за здравство на енклавата, јавува Анадолу.
Министерството додаде дека бројот на повредени Палестинци достигнал 61.830.
„Најмалку 172 лица загинаа, а 326 се повредени во последните 24 часа“, соопшти Министерството.
„Многу луѓе сѐ уште се заробени под урнатините и на патиштата бидејќи спасувачите не можат да дојдат до нив“, се вели во соопштението.
Министерството соопшти дека неговите медицински лица регистрирале повеќе од 8.000 случаи на хепатитис Ц меѓу раселените Палестинци поради преполнетоста во бегалските кампови и немањето услови за лична хигиена.
Израел започна напади врз Појасот Газа по прекуграничниот напад на Хамас на 7 октомври, во кој Тел Авив вели дека загинале речиси 1.200 Израелци.
Според Обединетите нации, околу 85 отсто од жителите на Газа се внатрешно раселени поради израелските напади и акутниот недостиг на храна, вода за пиење и лекови. Стотици илјади живеат без засолниште, а на територијата влегуваат помалку од половина од камионите со хуманитарна помош отколку пред почетокот на конфликтот.
Извор: Anadolu Agency (AA)
