ЛОНДОН (АА) – Британскиот премиер Кир Стармер во телефонски разговор со израелскиот премиер Бенјамин Нетанјаху рекол дека е неопходен итен и дефинитивен прекин на огнот во Газа, пренесува Анадолу.
Новиот премиер Стармер имал одвоени телефонски разговори со Нетанјаху и со палестинскиот претседател Махмуд Абас, соопшти Кабинетот на британскиот премиер.
Нетанјаху и Стармер во текот на разговорот се осврнале на безбедноста и стабилноста на Блискиот Исток. Стармер изјавил дека ќе ја продолжи британско-израелската соработка.
Наведувајќи дека развојот на случувањата на израелско-либанската граница се загрижувачки, Стармер нагласил дека е потребен итен и дефинитивен прекин на огнот во Газа, дека заробениците треба веднаш да бидат ослободени, а хуманитарната помош да биде зголемена со цел да се задоволат потребите.
Стармер ја нагласи важноста од исполнување на потребните услови за дводржавното решение и финансиска поддршка за ефективно функционирање на палестинската управа.
Во соопштението по повод разговорот со Абас се наведува:
„Премиерот Стармер го информираше претседателот Абас за приоритетните прашања како што се обезбедување на прекин на огнот, ослободување на заробениците, доставата и зголемувањето на хуманитарната помош и финансиската поддршка за палестинската управа.“ Говорејќи за обезбедување на меѓународниот легитимитет на Палестина, премиерот рекол дека политиката на признавање на Палестина, која долго ја поддржуваат за да се придонесе за мировниот процес, не е променета, и дека тоа е неспорно право на Палестинците.
Извор: Anadolu Agency (AA)
