Брачен пар почина во Токио откако пред три дена останаа заробени во приватна сауна зафатена од пожар. Трагедијата се случила во градската област Акасака, а полицијата истражува низа сомнителни околности, пишува BBC.
Според локалните медиуми, токиската полиција сомнева дека неисправната дршка ја спречила двојката да излезе од сауната. Дополнително, истражителите откриле дека системот за итни аларми бил исклучен повеќе од две години. Жртвите се 37-годишната маникирка Јоко Мацуџу и нејзиниот 36-годишен сопруг Масанари, сопственик на козметички салон.
Пожарникарите стигнале на местото во понеделник околу 12:25 часот по локално време, по активирањето на противпожарниот аларм. Затекнале дршка од сауната на подот, а парот бил пронајден паднат еден врз друг, со главите близу до вратата. Итно биле пренесени во болница, но за жал, наскоро починале.
Полицијата смета дека пожарот го предизвикал пешкир кој дошол во контакт со загреани камења. Иако просторијата имала ѕиден аларм, истиот бил исклучен, а поклопецот на алармот бил отстранет, што сугерира дека двојката очајно се обидела да го активира. Вработените признале дека алармот не работел „од околу 2023 година“.
Сопствениците на „Сауна Тајгер“ изразија жалење и објавија дека објектот ќе остане затворен, а на сите клиенти со резервирани термини ќе им се врати парите. Тие нагласиле дека инцидентот го сфаќаат „многу сериозно“ и дека „целосно соработуваат со истрагата на противпожарната служба“.
Јавното здравствено централно тело Минато за весникот The Asahi Shimbun изјавило дека објектот последен пат бил прегледан во април 2023 година и дека тогаш „не се пронајдени поголеми недостатоци во опремата“.
Овој трагичен настан се случува во време кога популарноста на сауните во Јапонија расте, а со тоа се зголемува и бројот на несреќи, што поттикнува повици за построга регулација.
Извор: tv21
