БРИСЕЛ (АА) – Високиот претставник на Европската унија за надворешна политика и безбедност, Жосеп Борел, најостро го осуди „ужасниот напад на вооружената банда врз службениците на косовската полиција во Бањска, во северниот дел на Косово, во кој еден полицаец смртно настрада, а двајца се повредени“, пренесува Анадолу.
„Потребно е да се утврдат сите факти за нападот. Одговорните сторители мораат да се соочат со правдата. Повеќе невини животи се загрозени во тековните непријателства во околината на манастирот Бањска. Овие напади мораат веднаш да запрат“, рече Борел.
Тој додаде дека припадниците на Мисијата на Европсакта унија за владеење на правото во Косово (ЕУЛЕКС) се на терен и се во бизок контакт со власта и КФОР.
„ЕУ и нејзините земји-членки повеќепати ги повикаа сите актери да работат на деескалација на ситуацијата во северниот дел на Косово“, порача Борел.
