Иако гласањето заврши и беше соопштено дека изборите биле успешни, во Универзитетот „Мајка Тереза“ во Скопје битката за ректорската позиција, очигледно, сè уште трае.
По завршеното гласање, каде што право на глас имаа целиот академски кадар и по еден претставник од студентите од секој факултет, претседателот на изборната комисија, Зоран Гацовски, пред камерите на ТВ21 изјави дека изборите завршиле успешно и според првичните неофицијални резултати, проф. доц. Беким Фетаи победил со разлика од три гласа пред противкандидатот проф. д-р Блерим Саити.
Но, очигледно, некој не се согласува со овој резултат!
Кој се обидува да ги поништи изборите, од кои причини и дали имало притисоци врз гласачите – одговорите на овие прашања ТВ21 ќе бара во текот на денешниот ден.
Инаку, важно е да се потсети дека новиот ректор ќе биде одговорен и за управувањето со 34,5 милиони евра, кои Владата на Република Северна Македонија ги одвои за изградба на универзитетскиот кампус на Универзитетот „Мајка Тереза“.
ИЗВОР: ТВ 21
